HINDI bababa sa pito ang nasawi habang apat ang nawawala sa Antipolo City, sa kasagsagan ng pananalasa ng Bagyong Enteng.
Kabilang sa tatlong nasawi sa Barangay San Jose ang isang buntis, habang ang dalawang magkapatid na batang lalaki a magkayakap nang matagpuan sa ilalim ng makapal na putik at nagtumbahang mga puno.
Sa Barangay San Luis, natagpuan ang bangkay ng isang taong gulang na lalaki na nalibing din ng buhay, ayon sa Antipolo City Disaster Risk Reduction And Management Office.
Bagaman nakaligtas ang lolo ng bata, ang apat naman nitong kaanak, kabilang ang kanyang mga magulang at walong taong gulang na kapatid ay hindi pa rin natatagpuan.
