PITONG panadero ang patay sa pananaksak sa loob ng isang bakery sa Antipolo City, sa Rizal.
Ayon sa Police Regional Office 4A (PRO 4A), pinasok ng suspek ang bakery sa Barangay Cupang saka pinagsasaksak ang mga natutulog na biktima.
Nangyari umano ang krimen kahapon ng ala sais ng umaga, at ini-report ito sa mga pulis, bandang alas otso ng umaga.
Nasa kustodiya na ng Antipolo Police at Rizal Provincial Police Office ang suspek matapos itong sumuko.
Ayon sa suspek, plano umano ng mga biktima na siya ay patayin.
