INAASAHANG bababa ang presyo ng mga produktong petrolyo sa huling Martes ng Agosto.
Sa pagtaya ng Department of Energy, posibleng matapyasan ng 1 peso and 15 centavos hanggang 1 peso and 35 centavos ang kada litro ng gasolina.
Dalawampiso hanggang dalawampiso at dalawampung sentimos naman ang maaring ibaba sa kada litro ng diesel habang piso at siyamnapung sentimos hanggang dalawampiso kada litro sa kerosene. Paliwanag ng DOE, ang huminang global demand at ceasefire talks sa Gaza ang dahilan ng price rollback, pati na ang recovery ng oil field sa Libya na tumutulong para palakasin ang global production.
