PANGUNGUNAHAN nina Paris Olympics Bronze Medalist Nesthy Petecio at Aira Villegas ang honor roll sa ikalawang All Women Sports Awards na inorganisa ng Philippine Sports Commission.
Tatanggapin nina Petecio at Villegas ang Female Athletes of the Year, kasunod ng kanilang podium finish sa 33rd edition ng Summer Games na ginanap noong nakaraang taon sa kabisera ng France.
Samantala, ang Hangzhou Asian Games Jiu-Jitsu Gold Medal Winner na si Meggie Ochoa, na nagretiro kamakailan lamang, ang recipient ng Lifetime Achievement Award.
Bibigyan din ang Filipina Tennis Star na si Alex Eala, Agatha Wong ng Wushu, at 77-year-old Wonder and Ultramarathoner na si Erlinda Ogsimer, ng Flame Awards.
Gaganapin ang awarding sa Sabado, sa Century Park Hotel, sa Maynila.
