5 miyembro ng pamilya sa Quezon, patay matapos mabagsakan ng puno ang kanilang bahay sa gitna ng pananalasa ng Bagyong Ramil

PATAY ang limang miyembro ng isang pamilya matapos mabagsakan ng malaking puno ng buli ang kanilang bahay sa Pitogo, Quezon, sa kasagsagan ng pananalasa ng Bagyong Ramil.

Kabilang sa mga nasawi ang animnapu’t anim na taong gulang na lolo, isang mag-asawa na nasa Mid-30s ang edad, kanilang labing isang taong gulang na anak, at limang buwang gulang na sanggol.

Tanging ang panganay na anak na lalaki ang nakaligtas, dahil malapit ito sa pintuan nang bumagsak ang puno.