NAKAPAGTALA ang Bangsamoro Autonomous Region in Muslim Mindanao (BARMM) ng apatnapu’t anim na kaso ng monkeypox (Mpox), as of June 8.
Ayon sa Ministry of Health (MOH), mula sa 46 cases, walo ang positive, 31 ang suspected, at pito ang probable.
Walo sa mga pasyente ang naka-rekober na habang nagpapagaling pa ang iba.
Wala namang naiulat na mga nasawi sa mga tinamaan ng Mpox.
Hinimok naman ng MOH ang publiko na huwag mag-panic, kasabay ng pagtiyak na nakikipag-ugnayan na sila sa Local Government Units at health agencies upang makontrol ang paglaganap ng sakit.
