TARGET ng Department of Health (DOH) na mabakunahan ang tatlumpu’t isanlibong mga bata, senior citizens, at mga buntis laban sa iba’t ibang sakit sa Calbayog City, sa Samar.
Ayon sa DOH, ang vaccination drive na nagsimula kahapon hanggang sa April 30 ay bahagi ng obserbasyon para sa World Immunization Week.
Ang mga sanggol na hanggang isang taon ay makatatanggap ng bakuna laban sa tuberculosis, polio, pneumonia, tigdas, beke, rubella, at pentavalent vaccine.
Ang mga senior citizen naman ay makakakuha ng flu at pneumonia shots habang ang mga babaeng siyam hanggang labing apat na taong gulang ay makatatanggap ng HPV vaccine, at ang mga buntis ay tuturukan ng tetanus-diphtheria vaccine.
