TATLONG residente ang nasawi sa Talayan, Maguindanao Del Sur habang dalawampu’t isang iba pang ang na-ospital makaraang makaranas ng pagsusuka, pagdudumi, at panghihina.
Ayon sa Integrated Provincial Health Office, lumalabas na cholera ang tumama sa mga biktima dahil sa iniinom na tubig mula sa poso.
Nabatid na nagkaroon ng fish kill sa ilog kung saan malapit ang posong pinagkukunan ng tubig ng mga residente.
Sa nasabing ilog din naghuhugas ng pinagkainan ang mga residente, naliligo at dumudumi.
