INANUNSYO ng Mutya ng Pilipinas Organization na gaganapin sa bansa ang Miss Tourism International ngayong taon.
Lumipad sa Pilipinas mula sa Kuala Lumpur, Malaysia ang Pangulo ng International Pageant na si Tan Sri Datuk Danny Ooi, para personal na dumalo sa press conference.
Sinabi ng Malaysian Pageant Owner na marami silang pinagpiliang bansa, gaya ng Nigeria, subalit mas matimbang sa kanya ang Pilipinas dahil malapit lamang.
Idinagdag pa niya na maraming magagandang lugar sa Pilipinas, at posibleng ganapin ang international pageant sa Davao subalit magkakaroon din aniya ng iba pang aktibidad sa Metro Manila.
Ito ang unang pagkakataon na gaganapin ang Miss Tourism International Pageant sa labas ng Malaysia.
