7 February 2025
Calbayog City
Local

2 nga lalaki patay sa operasyon san mga pulis sa Calbayog City

PATAY kahuman makipagpusilay sa mga pulis an duha nga High-Value Individuals (HVIs) nga kaparte san illegal drug trade sa Brgy. Bagacay, Calbayog City.

Guin kilala an mga suspetsado nga si alias “Mar,” an galamay ni alias “Edar,” nga usa san high-ranking member san Wahingon Criminal Gang nga una na nga neutralized san mga otoridad san mga naglabay nga semana.

An usa pa liwat nga suspek in guin kilala sa alyas “Dren,” nga parehas HVIs ngan mga residente san Brgy. Hamorawon, Calbayog, City, Samar.

Sa nasabi nga operasyon, nakipag-pusilay an duha nga suspetsado sa mga otoridad kahuman nira matunugan an presensiya san police poseur buyer.

Durante san putukay, natamaan an duha nga suspek ngan dayon sira guin dara sa Calbayog District Hospital kun diin sira guin deklara nga dead on arrival san mga doktor.

Narekober sa ira an walo (8) nga heat-sealed transparent plastic sachets nga maysulod shabu, marked money ngan boodle money nga guin gamit sa operasyon, cellphone ngan iba pa nga personal items.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).