NILAGDAAN na ni Pangulong Ferdinand Marcos Jr. upang maging ganap na batas ang Proposed National Budget para sa kasalukuyang taong 2026, matapos ang isang linggong pagbusisi sa lahat ng alokasyon nito at mga probisyon.
Pinirmahan ng pangulo ang 6.793-trillion peso 2026 National Budget sa Ceremonial Hall sa Malakanyang, na dinaluhan ng matataas na opisyal ng pamahalaan, mga senador at mga kongresista.
Sinabi ni Marcos na ngayon ay sisimulan na ang pinakamahirap na gawain – ang tiyakin na tama ang execution at pairalin ang totoong accountability.
Aniya, dapat ma-sustain ng 2026 Budget ang momentum sa education reform, health protection, food security, social security, at job creation.
Alinsunod sa konstitusyon, ang edukasyon ang tumanggap ng pinakamataas na alokasyon na mahigit 1.34 trillion pesos.
