INANUNSYO ng Manila International Film Festival (MIFF) ang pagpapaliban sa kanilang Second Edition bunsod ng wildfires sa Southern California.
Nakasaad sa kanilang social media account na iniurong ng MIFF ang kanilang event sa ibang petsa mula sa orihinal na Jan. 30 hanggang Feb. 2.
Sinabi ni MIFF Chairman and Co-Founder Omen Cruz, na ikinalungkot nila ang matinding epekto ng wildfires sa maraming tao, kabilang na sa Filipino Community.
January 2023 nang unang ganapin ang MIFF sa Los Angeles, California kung saan isa sa mga highlight ang “Rewind” ng Star Cinema.
Layunin ng festival na ipakilala ang Filipino Films sa global stage.
