HINDI bababa sa dalawampu ang patay makaraang sumiklab ang sunog sa isang Arcade sa Rajkot City, sa India.
Ayon sa Chief Minister ng Gujarat State na si Bhupendra Patel, bumuo na ng special investigation team upang mapabilis ang pagsisiyasat hinggil sa naturang trahedya.
Samantala, anim na bagong silang na sanggol ang nasawi rin makaraang tupukin ng apoy ang isang Children’s Hospital sa kabisera na New Delhi.
Labing dalawang bagong silang na sanggol naman ang nailigtas mula sa ospital, subalit isa rito ang nasa sersyosong kondisyon habang limang iba pa ang inoobserbahan.
