NASAWI ang dalawang miyembro ng Regional Mobile Force Battalion ng Police Regional Office 4B matapos tamaan ng kidlat sa kasagsagan ng malakas na buhos ng ulan sa Naujan, Oriental Mindoro noong gabi ng Miyerkules, May 14.
Kinumpirma ni PRO Mimaropa Regional Director PBGen Roger Quesada ang pagkasawi nina Pat Laudelino Samarita Lomio II at Pat Ruzzel Jay Ferrer Fontarum.
Nangyari ang insidende habang naka-duty ang dalawa sa loob ng kampo sa Naujan.
Nagsagawa pa ng CPR ang kanilang mga kapwa pulis pero idineklarang dead on arrival ang dalawa sa Mindoro Medical Center.
Nagpaabot naman si Quesada ng pakikiramay sa naulilang pamilya at mahal sa buhay ng dalawang pulis.
