Nakabalik na sa Eastern Visayas an duha nga mga Overseas Filipino Workers o’ OFWs nga nagtatrabaho sa Middle East matapos bumutho an samok sa butnga san Israel ngan Hezbollah fighters san Lebanon.
Sa ginbuhat nga Kapihan sa Bagong Pilipinas, iginpahayag ni Mary Catherine Pastor, OIC-Regional Director han Overseas Workers Welfare Administration o’ kun OWWA, nga an mga OFWs in nakabalik na sa ira mga pamilya sa Villaba, Leyte ngan Tolosa, Leyte.
Sira in temprano nga nangaro sin bulig san gobyerno san Pilipinas didto sa Middle East nga makabalik sa nasud agud likyan an ka-ipit san tensyon sa butnga san Israel ngan Hezbollah
Sumala pa kan Pastor, ginbabana-bana nga aada sa 30 nga mga taga-Eastern Visayas an nag tatrabaho yana didto sa Lebanon ngan kaurugan sine sa ira in mga undocumented.
Samtang, iginpahayag ni Pastor nga an mga mauli nga mga OFWs tikang sa Lebanon ngan Israel in tatagan sin ayuda san gobyerno.
An OFW in makakakarawat sin 75 mil pesos tikang sa Department of Migrant Workers, lain nga 75 mil pesos tikang sa OWWA, ngan 20 mil pesos naman tikang ha Department of Social Welfare and Development.
