DALAWANG construction workers ang nasawi ilang oras matapos mabagsakan at matabunan ng bahagi ng ginagawang gusali, sa Sta. Rosa, Laguna.
Ayon sa mga awtoridad, nagbubuhos ng semento ang bente nueve at kwarenta’y dos anyos na mga biktima sa ikalawang palapag ng gusali nang bumigay ang tinutungtungan nilang scaffolding.
Sinuspinde naman ni Santa Rosa City Mayor Arlene Arcillas ang konstruksyon ng mall na itinatayo sa Tagaytay-Santa Rosa Road sa Barangay Sto. Domingo, kasunod ng pagkamatay ng dalawang construction workers.
