INANUNSYO ng Bureau of Fisheries and Aquatic Resources (BFAR) na ligtas nang kainin ang mga isda at shellfish na mahuhuli sa Cavite, matapos ang mga pagsusuri, kasunod ng oil spill sa Bataan.
Sinabi ni BFAR Assistant Director Angel Encarnacion na patuloy nilang binabantayan ang sitwasyon sa lahat ng mga apektadong probinsya.
Batay sa pinakahuling sensory evaluation, ligtas nang kainin ang mga lamang dagat mula sa lahat ng rehiyon, kabilang ang Region 3, 4a, at National Capital Region.
Una nang humirit ang Cavite provincial government ng sampung milyong pisong kompensasyon mula sa mga may-ari ng MTKR Terranova, ang una sa tatlong barko na nagdulot ng oil spill, na nakaapekto sa kabuhayan ng mga residente sa lalawigan.
