HINDI pa sinasagot ni Dating Ako-Bicol Party-List Rep. Zaldy Co ang mga paratang na nag-uugnay umano sa kanya sa maanomalyang 289.5 million pesos na Flood Control Project sa Oriental Mindoro.
Ayon kay Assistant Ombudsman Mico Clavano, tumutukoy ito sa Referral ng Independent Commission for Infrastructure (ICI) sa Ombudsman na sampahan ng Graft, Malversation, at Falsification Charges si Co at ilang opisyal ng Department of Public Works and Highways (DPWH) bunsod kanilang pagkakaugnay sa Road Dike Project sa kahabaan ng mag-asawang Tubig River sa bayan ng Naujan.
