LABIMPITONG firecracker-related injuries ang naitala ng Department of Health (DOH), isang linggo bago ang pagsalubong sa bagong taon.
Nai-record ang injuries simula Dec. 22 hanggang 23 sa animnapu’t dalawang ospital sa buong bansa.
Sa labimpitong nasugatan, labing anim ang mga lalaki, edad pito hanggang tatlumpu’t pito.
Mas mataas ito kumpara sa anim na kaso na naitala sa kaparehong panahon noong nakaraang taon.
Muli namang pinaalalahanan ng DOH ang publiko na iwasang gumamit ng anumang uri ng paputok sa pagdiriwang ng holidays.
