15, patay sa riot ng inmates sa notoryus na kulungan sa Ecuador

HINDI bababa sa labinlima ang nasawi habang labing apat ang nasugatan sa riot sa pagitan ng inmates, sa isa sa pinakamalaki at notoryus na kulungan sa Ecuador.

Ayon sa National Prison Agency, sumiklab ang kaguluhan sa isa sa pavilions ng Litoral Penitentiary sa Coastal City ng Guayaquil, na kilala sa mararahas na sagupaan sa pagitan ng magkakalabang gang.