BINIGYAN ng Land Transportation Franchising and Regulatory Board (LTFRB) ng go signal ang labing apat na bagong Transport Network Companies (TNCs) para mag-operate sa bansa, bukod sa limang kumpanya na nag-renew.
Sinabi ni LTFRB Chairman, Atty. Teofilo Guadiz III, nagbigay ang ahensya ng akreditasyon sa karagdagang TNCs at nag-release ng bagong Transport Network Vehicle Service (TNVs) upang matugunan ang lumalawak na demand sa ride-hailing market.
Sa advisory na ni-release, kahapon, inihayag ni Guadiz na ang kanilang hakbang ay alinsunod sa kanilang mandato na tiyaking patuloy na makikinabang ang riding public mula sa advancements sa transportation services.
Tiniyak ng LTFRB Chief na mahigpit silang makikipag-ugnayan sa lahat ng accredited TNCs upang ma-monitor ang pagtalima ng mga ito sa regulasyon at magarantiyahan ang magandang serbisyo sa riding public.
