PATAY ang labintatlo katao habang halos limampu ang sugatan makaraang magsalpukan ang dalawang tren sa Southeast India.
Batay sa report ng mga otoridad, nangyari ang insidente sa pagitan ng Bayan ng Alamanda at Kantakapalle sa Andrah Pradesh State matapos madiskaril ang isang tren.
Kinumpirma rin ni Indian Prime Minister Narendra Modi ang balita kung saan agad itong nagpaabot ng pakikiramay sa pamilya ng mga biktima.
Ang India ang isa sa may pinakamalaking rail networks at nakapag-ulat ng maraming insidente sa nakalipas na mga taon, kabilang ang banggaan ng tatlong tren na kumitil sa tatlundaang katao sa Odisha State noong Hunyo.
