BALIK-Pilipinas na ang natitirang labing isa mula sa labimpitong Filipino seafarers ng MV Magic Seas, na siyang kumumpleto sa Repatriation ng lahat ng Pinoy na lulan ng barko na inatake ng Houthis.
Binigyang sila ng Health Checks at Training Vouchers mula sa Technical Education and Skills Development Authority (TESDA) nang dumating sila sa Pilipinas noong Sabado ng gabi.
Sinabi ni Migrant Workers Secretary Hans Leo Cacdac na makatatanggap din ang seafarers ng agarang Financial Assistance, Reintegration Services, Medical Check-Ups at Psychological Counseling.
Una nang dumating sa bansa ang anim mula sa labimpitong Pinoy seafarers noong Biyernes.
July 6 nang atakihin ng Houthi Rebels ang MV Magic Seas subalit natakasan ito ng Filipino seafarers, kasama ang vietnamese at Romanian crew members.
