NAMATAY na an usa nga alyas Janjan Magbutay kahuman an shooting incident nga nahitabo pasado alas 11:45 san udto yana nga Lunes nga adlaw, June 24, 2024 sa Brgy. Pagbalican, Calbayog City.
Sa interview san IR Calbayog, gin istorya san mga saksi san insidente nga an usa nga Janjan Magbutay an nagtikang magpaputok gamit an waray pa kahibarui nga kalibre. Upat nga sunod-sunod nga putok an ira nahibatian sa lugar.
Nahikit-an liwat san mga nakadto sa lugar nga dumalagan si Magbutay tipakadto sa direksiyon san usa nga Hotel harani sa Pagbalican.
Rumesponde na sa crime scene an mga kapulisan.
This is a developing story. | Rodney Marquez