ANIM katao ang nasawi, kabilang ang tatlong bumbero habang labing isa ang nasugatan makaraang sumabog ang isang truck na may kargang animnapung tonelada ng liquefied natural gas sa Mongolia.
Nangyari ang insidente sa Ulaanbaatar nang sumalpok ang gas truck sa isang sasakyan, na naging dahilan ng pagsabog nito.
Mahigit animnaraang bombero ang nagtulong-tulong para ma-apula ang sunog, subalit tatlo mula sa 63rd Fire Fighting and Rescue Unit ng National Fire Service ang nasawi.
Nagdulot din ng pinsala ang truck explosion sa kalapit na establisyimento bunsod ng malakas na impact.
