POSIBLENG hindi ituloy ng Department of Transportation (DOTr) ang naunang plano na isapribado ang operations at maintenance ng LRT-2 kasama ang MRT-3.
Nagdadalawang isip ang DOTr kung dapat bang i-bid out ang concessions para sa dalawang railway system bilang isang package.
Ito, ayon kay Transportation Undersecretary Jeremy Regino, ay dahil masyado pang maaga para i-turnover ang LRT-2 sa private sector.
Hindi pa rin nase-secure ng DOTr ang funding para sa 10.2-billion peso expansion ng LRT-2, pa-kanluran ng Recto Station, na tinawag na LRT-2 West Extension Project.
Bukod dito, ay ikinakasa rin ng ahensya ang pag-extend ng LRT-2 sa bahagi ng Rizal, kung saan tatlong istasyon ang planong idagdag sa silangan ng Antipolo station hanggang Cogeo para maibsan ang volume ng mga pasahero.