2 mula sa 4 na kadete ng PMA na sangkot sa umano’y Hazing, sinuspinde bunsod ng pananakit

DALAWA mula sa apat na kadete na sangkot sa umano’y Hazing Incident sa Philippine Military Academy (PMA), sa Baguio City, sinuspinde dahil sa pananakit sa isa pang kadete.

Ayon kay AFP Spokesperson Colonel Francel Margareth Padilla, isa ang na-abswelto, dalawa ang suspendido, habang ang isa pa ay pinarusahan base sa partisipasyon nito bilang bahagi ng Chain of Command.

Batay sa imbestigasyon, sinabi ng Baguio City Police, na nakaranas ng Physical Abuse at Humiliation ang 4th Class Cadet simula Sept. 2 hanggang 29, 2024.