Militar, pinasalamatan ang mga residente sa Northern Samar sa matagumpay na operasyon laban sa mga rebelde

PINASALAMATAN ng Philippine Army ang mga residente sa Northern Samar sa pagbibigay ng impormasyon na nagresulta sa pag-neutralize sa dalawang miyembro ng New People’s Army (NPA).

Binigyang diin ni Major Gen. Adonis Ariel Orio, Commander ng 8th Infantry Division, ang kahalagahan ng suporta ng komunidad sa tagumpay ng operasyon sa Northern Samar, na ikinu-konsiderang huling balwarte ng insurhensiya sa Eastern Visayas.

Sinabi ni Orio na ang matagumpay na operasyon laban sa mga natitirang miyembro ng Eastern Visayas Regional Party Committee matapos ang dalawang magkasunod na engkwentro sa Northern Samar ay testamento ng commitment at dedikasyon ng militar at pakikipagtulungan ng mga residente ng lalawigan.