TARGET pa rin ng Iranian Men’s Football Team na maglaro sa nalalapit na World Cup sa North America.
Pahayag ito ng Asian officials, sa kabila ng mga babala na posibleng malagay sila sa alanganin.
ALSO READ:
Una nang binalaan ni US President Donald Trump ang team na maaaring malagay sa panganib ang kanilang buhay at kaligtasan, kapag dumalo sila sa tournament, kung saan co-host ang America, Canada, at Mexico.
Dahil sa giyera na sumiklab matapos ang US-Israeli strikes noong February 28, nagkaroon tuloy ng pagdududa sa partisipasyon ng Iran sa World Cup.
Gayunman, sinabi ni Windsor Paul John, secretary general ng Asian Football Confederation, na sa ngayon ay walang official information na hindi maglalaro ang Iran na kabilang sa top team.




