43rd IB nadiskubre ang arm cache, mga armas narekober sa Silvino Lobos

CALBAYOG City, Samar – Patuloy ang paghina ng puwersa ng New People’s Army o NPA sa Northern Samar matapos na madiskubre at marekober ng 43rd Infantry “We Search” Battalion, Philippine Army ang isang arms cache sa Brgy.Senonogan de Tubang, Silvino Lobos, Northern Samar noong Oktubre 5, 2026.

Narekober sa isinagawang operasyon ang isang M16 rifle at isang M1 Garand rifle

Pinangunahan ni 2LT THRISHA MAE L CAPUL (QMS) PA, isang babaeng platoon leader ng 43IB, ang operasyon sa kabundukan ng Silvino Lobos.

Ang tagumpay ng operasyon ay bunga ng impormasyong ibinahagi ng mga dating miyembro ng NPA at ng komunidad.

Sa pahayag ni LTC ANTHONY P. MACATUAL (INF) PA, Commanding Officer, 43IB, “Hinihikayat natin ang bawat sektor na magkaisa sa pagtanggap at pagsuporta sa mga NPA na nagnanais na magbalik-loob sa pamahalaan at magsimulang muli sa mapayapang pamumuhay.”