SINIMULAN nang palawigin ng MRT-3 ang kanilang panggabing operasyon tuwing weekdays.
Sinabi ng Department of Transportation (DOTr) na maraming tren ang ide-deploy kapag peak hours para sa mas mabilis na biyahe ng mga pasahero.
Sa advisory, simula kagabi, ang entrance closing sa North Avenue Station ay 10:25 p.m. habang sa Taft Avenue ay 11:04 p.m.
Aalis naman ang unang MRT-3 trains sa mga nabanggit na istasyon ng 4:30 a.m. at 5:05 a.m.
Ang extended operating hours ay ipinatupad isang linggo matapos itong ipag-utos ni DOTr Secretary Vince Dizon nang mag-inspeksyon ito sa Taft, Ayala at Shaw Boulevard Stations noong March 17.
