IPINAKITA ni Calbayog City Mayor Raymund “Monmon” Uy ang kanyang suporta para sa bagong dietary supplementation program na inilunsad noong martes, sa Joggers Covered Court.
Ang programa na pinangunahan ng Calbayog Nutrition council coordinator, Dr. Roy Maribojoc, ay sinuportahan ng City Population Office na pinamumunuan ni Dymple Via Naparan.
Layunin ng naturang programa na pagbutihin pa ang nutrisyon ng mga bata, buntis, at kabataang ina na edad trese hanggang disi nueve na nagpapadede ng kanilang sanggol.
Dumalo rin sa launching sina Calbayog City Councilors Dolor Delos Santos, Florencio Enriquez, at Marc Celino Tan.
