SINALAKAY ng National Bureau of Investigation – National Capital Region (NBI-NCR) ang umano’y Love Scam Hub sa isang condominium sa Makati City.
Mismong si nbi Director Jaime Santiago ang nakahuli sa akto sa paggamit ng mga suspek sa Artificial Intelligence (AI) para makapanlinlang ng kanilang mga biktima.
Ayon sa isa mga nahuling Pinay, mayroong mga babaeng modelo na kinokopya ang mga itsura sa pamamagitan ng AI image generator.
Tumambad sa mga operatiba ang mga cellphone at computers na mayroong mga script na ginagamit sa panloloko.
Mahigit isandaang Pinoy at isang Chinese na umano’y supervisor ng mga empleyado ang nasakote sa naturang pagsalakay.
