Mahigit 500 na mangingisda sa Northern Samar, makatatanggap ng fuel subsidy

KABUUANG 548 na mangingisda ang inaasahang makikinabang mula sa fuel subsidy program ng Bureau of Fisheries and Aquatic Resources (BFAR) sa Eastern Visayas, sa pakikipagtulungan ng Provincial Government sa Northern Samar.

Ayon sa Provincial Economic Development and Investment Promotions Office (PEDIPO), ang mga benepisyaryo ay nakarehistro sa ilalim ng registry system for basic sectors in agriculture, municipal fisherfolk registration, at boat registration systems.

Noong Lunes ay inisyal na 130 na mangingisda ang tumanggap ng assistance sa Provincial Capitol Gym.