Pinaulanan ng bala ng isang gunman ang US Embassy sa Lebanon, na ikinasugat nito makaraang makipagbarilan sa mga otoridad.
Ayon sa Lebanese army, nasakote ang isang Syrian national at dinala sa ospital para malapatan ng lunas habang tinutugis pa ng mga sundalo ang isa pa umanong suspek.
Inihayag ng isang Lebanese security source na nabaril ng mga sundalo sa tiyan ang gunman habang isang miyembro ng security team ng embassy ang bahagyang nasugatan.
Naglatag din ang Lebanese security forces ng checkpoints sa paligid ng embahada habang isang US-made helicopter ang ipinagamit sa Lebanese army para magmasid mula sa himpapawid.