BINAWI ng television host na si Ion Perez ang kanyang kandidatura bilang Konsehal sa Concepcion, Tarlac, matapos mag-file ng Certificate of Candidacy noong Oktubre.
Ginawa ni Ion ang anunsyo sa pamamagitan ng social media post, kung saan pinasalamatan niya ang kanyang supporters sa Concepcion at hindi na siya tatakbong konsehal.
Ipinaliwanag ng TV host na nais muna niyang ihanda ang kanyang sarili para hindi siya mapahiya sa kanyang mga tagasuporta at mapaglingkuran niya ang mga ito ng tama.
Sa huli, mapagkumbabang sinabi ni Ion ang mga katagang “Paumanhin po.”
Si Ion ay long-time partner ng superstar comedian na si Vice Ganda.
