HANDA na ang tradisyonal na “Pahalik” sa Imahen ng Itim na Poong Nazareno na magsisimula, bukas, Jan. 7, sa Quirino Grandstand sa Maynila.
Sinabi ni Nazareno 2025 at Quiapo Church Spokesperson, Father Robert Arellano, na bago mag umpisa ang “Pahalik” ay magkakaroon muna ng misa para sa mga volunteer para sa Kapistahan ng Hesus Nazareno ngayong Lunes.
Ang “Pahalik” ay tradisyon kung saan hinahawakan o hinahalikan ng mga deboto ang apatnaraang taong Imahen ng Itim na Poon.
Itinakda ito simula bukas hanggang sa mismong araw ng Kapistahan ng Nazareno, sa huwebes, Jan. 9.
Kabilang sa highlights ng pista ay ang traslacion o prusisyon ng Imahen ng Hesus Nazareno simula sa Quirino Grandstand hanggang sa Simbahan ng Quiapo.
