Pinarangalan bilang Best Public Affairs Program ang “Tingog naton sa Barangay” ng Infinite Radio Calbayog, sa 4th Eastern Visayas Media Awards sa Summit Hotel, sa Tacloban City noong ikalawa ng Disyembre.
Nagsilbing host sa naturang gabi ng parangal sina Ricky Brozas ng Infinite Radio Calbayog at Kaps Mars Mercader.
Kabilang sa media awardees ay sina Ma. Evita Rosario Manicani ng FMR Tacloban bilang Best Radio Disc Jockey 2023; Vince Vibas ng Bombo Radyo Tacloban bilang Best Radio News Commentator; China Patricia Rondina Lira ng Bombo Radyo Tacloban, Best Female Radio Reporter; Jason del Monte, Best Male Radio Reporter.
Samantala, binigyan din ng pagkilala bilang Most Outstanding Congressional Rep. si Yedda Marie Romualdez ng Tingog Party-list.
Matatandaan na isa ring pagkilala ang natanggap ng Infinite Radio Calbayog mula sa Northwest Samar State University noong ika-18 ng Nobyembre ng 2023 dahil sa kontribusyon nito sa mga programa ng unibersidad.
