ILANG araw matapos rumampa sa Bench Body of Work Fashion Show, ibinunyag ng aktres na si Sunshine Cruz na na-diagnose siya na mayroong autoimmune disease.
Sa instagram, isiniwalat ng 47-year-old actress na mayroong siyang Myasthenia Gravis (MG), na nakaaapekto sa voluntary muscles, gaya ng biyas, mata, bibig, at lalamunan.
Ayon sa John Hopkins Medicine, kabilang sa sintomas nito ay panghihina ng kalamnan, fatigue, pagbagsak ng talukap ng mata, at hirap sa paglunok o pagsasalita.
Inamin ni Sunshine na para siyang nasa roller coaster nitong mga nakalipas na buwan dahil sa kanyang sakit, subalit nagpasalamat pa rin siya sa nasumpungan niyang katatagan.
Idinagdag ng aktres na ang pagrampa niya kamakailan ay isang powerful reminder na posible pa rin ang mga bagay kahit na mahirap ang sitwasyon.
