NAKATAKDANG bumalik sa Pilipinas ang American Singer-Songwriter na si David Pomeranz para sa ipagdiwang ang kanyang apat na dekada sa industriya ng musika.
Ang Manila Leg ng kanyang “Coming Home with David Pomeranz 40th Anniversary Concert Tour” ay gaganapin sa December 8, alas otso ng gabi sa Newport Performing Arts Theater, sa Pasay City.
Makakasama ni Pomeranz sa concert ang singer-actress na si Vina Morales bilang kanyang guest performer.
Ang multi-platinum international artist ay minahal sa Pilipinas, dahil sa kanyang hit song na “Born for you” na inalay niya sa mga pilipino.
Sumikat din si Pomeranz sa mga kantang “Got to Believe in Magic”, at “King and Queen of Hearts”.
