50 rebelde, patay; pitong nigerian officers, nawawala kasunod ng convoy attack

HINDI bababa sa limampung boko haram fighters ang nasawi habang pitong miyembro ng Infrastructure Security Force ng Nigeria ang nawawala matapos tambangan ng mga rebelde ang convoy na nagbabantay sa power grid installations ng bansa.

Ayon kay Babawale Afolabi, spokesperson ng Nigerian Civil Defense Corp, inambush ng nasa dalawandaang boko haram fighters ang security operatives habang nagsasagawa ng patrol mission.