Tacloban journalist, hinatulan ng guilty sa terrorism financing

HINATULAN ng lokal na korte sa Tacloban City ang community journalist na si Frenchie Mae Cumpio at co-accused nito na si Mariel Domequil ng guilty sa terrorism financing, bagaman pinawalang sala sila sa illegal possession of firearms and ammunition.

Sinentensyahan ang dalawa na makulong ng labindalawa hanggang labing walong taon.

Ang ruling ay ibinaba ni Judge Georgina Perez, Presiding Judge ng Regional Trial Court Branch 45, mahigit limang taon matapos maaresto sina Cumpio at Domequil.

Ayon sa defense lawyer na si Norberti Palomino, iaapela nila ang conviction sa loob ng 15-day reglementary period at hihirit din sila ng bail para sa pansamantalang kalayaan ni Cumpio habang naka-apela ang kaso.