HINDI naitago ng fans ang kanilang excitement matapos opisyal nang simulan nina Kathryn Bernardo at James Reid ang kanilang upcoming TV series na “Someone Someday.”
Sa pamamagitan ng Instagram, ipinasilip ng ABS-CBN TV Production Company na Dreamscape Entertainment ang filming set ng teleserye.
Sa isang larawan, all smiles sina Kathryn at James, kasama ang kanilang series director na si Chad Vidanes na tila nasa isang bar.
Sa sumunod pang post, kasama ng lead actors ang cast members na sina Matt Evans, Nicco Manalo, Gela Atayde, Daniela Stranner, Bong Gonzales, Kat Galang, Majoy Apostol at Miggy Jimenez.
Ang “Someone Someday” ang unang beses na mapapanood sina Kathryn at James sa isang Primetime Project. Itatampok din sa naturang series si Maja Salvador, ayon sa naunang anunsyo.




