BUKOD sa Epic Concert Experience, sinorpresa ng SB19 ang kanilang fans sa “Simula at Wakas” World Tour Show sa Philippine Arena, sa pamamagitan ng pag-anunsyo sa nalalapit na release ng dalawa nilang Music Collaborations.
Pinahanga nina Pablo, Josh, Ken, Stell, at Justin ang audience sa performance ng kanilang hitsongs na “DAM,” “Time,” “Dungka!,” “Gento,” “MAPA,” at “Mana,” at iba pa, sa kanilang two-day concert noong May 31 at June 1.
Ang announcement ng kanilang Music Collaborations ay iflinash sa big screen sa pagtatapos ng first day ng kanilang concert noong Sabado.
Sa second day naman ng concert inanunsyo na ire-release ang upcoming music ng grupo sa June 27 at 30.
Makakasama ng P-Pop Group sa isa sa collaborations ang Indonesian singer na si Aruma para sa Bahasa Version ng “MAPA.”
