Sagot ni Discaya sa mga pasaring ni Mayor Sotto: “12 Days of Xmas”, free concert at tuloy-tuoy na ayuda sa mga Pasigueño

Sagot ni Discaya sa mga pasaring ni Mayor Vico: “12 Days of Xmas” free concert  at tuloy-tuoy na ayuda at Pamaskong handog na 5-kilo rice sa bawat pamilyang Pasigueño

“TWELVE Days of Christmas” free concert at tuloy-tuloy na ayuda sa maralitang Pasigueños ang naging tugon ni mayoralty aspirant Sarah Discaya sa mga pasaring ni Mayor Vico Sotto kung sino ang nasa likod ng mga mapanirang balita laban sa alkalde.

“Wala kaming kinalaman at lalong wala kaming panahon sa mga isyung negatibo na ipinahihiwatig ng butihing alkalde na gawa namin… kasi abala kami sa pagbigay ng tulong sa kapus-palad nating kababayan… at kung paano natin sila mapasaya nitong Kapaskuhan,” pahayag ng kampo ni Discaya.

Reaksiyon ito ni Sarah Discaya, na kilala sa tawag na Ate Sarah, sa sunod-sunod na pasaring ng alkalde na ang kampo ng kanyang maka-kalaban sa 2025 election ang umano’y nagpapakalat ng mga fake news sa social media laban sa kanya.

Nauna nang nagpakalat ng bintang si Sotto na ang kabilang kampo, na pahiwatig nya kina Discaya, ay nagbibigay umano ng isang milyong piso sa tao na lalantad upang siya ay siraan.

“Lubos kaming naniniwala sa kasabihan na kapag pinukol ka ng bato ay tinapay ang ipukol mo pabalik,” paliwanag ni Discaya sa kanilang naging tugon sa mga pasaring ni Sotto laban sa kanila.

Sinabi nito na maraming magagandang bagay na dapat atupagin sa araw-araw ang sinomang nais maglingkod sa komunidad at tumulong sa kapuwa kaysa magpakalat ng paninira na walang basehan.