NASA dalawandaan labing walunlibong pasahero ang dumagsa sa Parañaque Integrated Terminal Exchange (PITX) noong Sabado upang humabol sa biyahe para sa araw ng Pasko.
Ito ang pinakamataas na bilang ng mga pasahero na naitala sa kasaysayan ng naturang bus terminal.
Binasag nito ang dating record na 204,000 passengers na naitala noong Dec. 23 ng nakaraang taon.
Sinabi ni PITX Corporate Affairs Officer Kolyn Calbasa na inaasahan nilang madaragdagan pa ang mga biyahero hanggang ngayong Lunes, na magdiriwang ng holidays sa kani-kanilang mga probinsya.
Dahil sa pagdagsa ng mga pasahero, dinagdagan ng PITX ang biyahe ng mga bus, lalo na sa mga patungong Bicol Region.
