PANSAMANTALANG nakalaya ang aktor na si Ricardo Cepeda matapos ang halos isang taong pagkakakulong dahil sa kasong estafa matapos itong mag-piyansa.
October 7 nang dakpin ng mga awtoridad ang aktor, at mula sa Camp Karingal sa Quezon City ay ikinulong ito sa Cagayan Provincial Jail sa Tuguegarao.
Kahapon ay isinapubliko ng long-time partner ni Ricardo na si Marina Benipayo ang paglaya ng aktor sa pamamagitan ng facebook post.
Si Ricardo ay kinasuhan ng syndicated estafa matapos masangkot sa “investment scheme.”
Iginiit ni Joshua De Sequerra, na “wrongfully accused” ang kanyang ama na nagsilbing “product endorser” lamang ng isang sales company, na nangakong magbibigay ng monthly profit sa veteran actor.
