Resolusyon para mabawasan ang singil sa kuryente sa Off-Grid areas, inihain ng kinatawan ng Northern Samar

NAGHAIN si Northern Samar 2nd District Rep. Edwin Ongchuan ng resolusyon na humihimok sa mga ahensya ng pamahalaan na humanap ng ibang paraan para maibsan ang epekto ng tumataas na singil sa kuryente sa mga consumer na nasa Off-Grid communities.

Inihain nina Ongchuan, vice chair ng House Committee on Energy, at Abang Lingkod Party-list Rep. Eulogio Rodriguez, ang House Resolution No. 883 bilang tugon sa lumolobong power rates dulot ng pagsipa ng global fuel prices.

Sa Northern Samar, ang mga komunidad gaya ng San Vicente, San Antonio, Capul, at Batag Island ay kabilang sa mga direktang naaapektuhan ng tumataas na singil sa kuryente dahil sa kanilang Off-Grid status.