SAFE na ang PLDT High Speed Hitters matapos ma-rescue mula sa kanilang Training Facility sa Araneta Avenue sa Quezon City na binaha bunsod ng malalakas na ulan dulot ng Habagat.
Sa social media post, ibinahagi ng PLDT na tumulong ang Philippine Coast Guard at Philippine Army sa pagre-rescue sa mga player, gaya nina Majoy Baron, Kim Fajardo, Kath Arado, at Jovy Prado.
Sa hiwalay na video, ibinahagi ng Veteran Middle Blocker na si Mika Reyes na ilang oras nang stranded ang team sa Training Venue bago dumating ang rescuers lulan ng lifeboats at matapang na sinuong ang baha para dalhin sila sa ligtas na lugar.
Ang Undefeated Team ay lilipad patungong Cebu ngayong weekend para makasagupa ang mga koponan na wala pa ring talo, na kinabibilangan ng Nxled at Galeries, sa Sabado at LInggo, para sa nagpapatuloy na 2025 PVL On Tour.
