Limang Filipino boxers na ang kakatawan sa Pilipinas sa nalalapit na 2024 Paris Olympics makaraang mag-qualify si Hergie Bacyadan sa Summer Games kahapon.
Nakamit ni Bacyadan ang unanimous decision win laban sa katunggaling si Maryelis Yriza ng Venezuela sa kanilang quarterfinals bout sa Women’s 75kg Division sa 2nd Olympic Boxing Qualification Tournament sa Thailand.
Si Bacyadan ang ika-labinlimang pinoy at ika-limang boxer mula sa Pilipinas na nakapasok sa Summer Games, at makakasama ang kapwa boksingero na sina Nesthy Petecio, Eumir Marcial, Aira Villegas, at Carlo Paalam.
